اسئلة ترفع الضغط

موضوع: اسئلة ترفع الضغط 2009-08-09, 2:04 am

أسئله ترفع الضغط

مثلا :-

انت الحين بغرفتك منسدح بفراشك ومطفي النور فجأه يخش عليك
اخوك او اختك ويفتح الباب ويقولك بتنام ؟!! (لا برقص - اكيد بنام !!) اسئلة ترفع الضغط Smile_baringteeth

---------
انت لابس وكاشخ وقاعد تمشي بالبيت متجه للباب .. فجأه يشوفك واحد من اهلك
ويصرخ عليك ويقول بصوت عالي :- (هااا بتطلع !! (لا بجرب الباب زين ولا لا
الصراحه سؤال خطير !! اسئلة ترفع الضغط Smile_angry

----------
انت قاعد بغرفتك وماسك الكتاب قاعد تدرس .. يخش عليك واحد من اهلك يقولك
(هاا قاعد تدرس !! (لا افرش اسناني !! يعني ماسك الكتاب شسوي اكيد ادرس) اسئلة ترفع الضغط Smile_nerd

-----------
انت الحين بالكافيه صدفه شفت واحد من الربع او الاهل .. قالك هاا شتسوي هني !!
(ابيع مويه) !! لا تعليق اسئلة ترفع الضغط Smile_wink

--------------------
لا وتعالو شوفو قنواتنا العجيبه اهما واسئلتهم !!

مثلا بالعيد بيقابلون واحد من الناس شوفو الحوار :-

المذيع :- مرحبا عرفنا على أسمك ؟

المواطن :- فلان الفلاني . . . . .

المذيع :- شنو تقول لأهلك بالعيد ؟ ! ! !

المواطن :- أقولهم كل عام وأنتم بخير . .

(( لا بيقول لهم : منه المال ومنها العيال))

يعني السؤال تحفه والمذيع ومعد البرنامج اتحف على هالسؤال
------------------------
والأسخف من هالبديهيات اللي تضيع وقتنا إذا قابلو الاطفال , , ,

يقول المذيع للطفل :- أنت تحب ماما وبابا ! ! !

(( لا احبك إنت ووجهك)) سؤال غبي الصراحه !!

----------------
برنامج مسابقات على الهوا :-

المتصل :- الوو السلام عليكم
المذيع :- وعليكم السلام هلا وغلا
المتصل:- ممكن اشارك اسئلة ترفع الضغط Smile_nerd

(يعني انت داق علشان تشارك ليش تستأذن !! من زود الأتكيت يعني) اسئلة ترفع الضغط Smile_angry

--------------------

يعني اسئله غبيه مثل هالاسئله ماشفت

يالله في أمان الله والله يحفظك من الأغبياء!

لحظة نسيت أسألك: قاعد تقرا الرسالة أحين؟؟

ج: لا قاعد أخيط نعالي!!

موضوع: رد: اسئلة ترفع الضغط 2009-08-10, 2:57 am

ههههههه
من جد ترفع الضغط
مشكور ..

موضوع: رد: اسئلة ترفع الضغط 2009-08-10, 3:02 am

مشكورررررررررررر

موضوع: رد: اسئلة ترفع الضغط 2009-08-11, 12:56 am

العـفو
للجميع..

موضوع: رد: اسئلة ترفع الضغط 2009-08-24, 10:55 pm

مشكووور اخوي..

موضوع: رد: اسئلة ترفع الضغط 2009-08-25, 6:18 am

اي والله من جد ترفع الضغط عالعمووم مشكوور اخوي والله يعطيك الف عافية